Сярэдзіна лістапада, лісьцё ўжо амаль апала, хаця ў гэтым лесе рэдкай пароды таполі яго зрэшты і няшмат, тым больш выразней відны гнёзды кармаранаў. Кармараны -- птушкі-рыбаловы, але для гняздоў'я аблюбавалі сабе менавіта гэты лес, гадоў са 20 таму, -- месцейка на касе, што непасрэдна каля шумлівага Таронтаўскага даўнтаўна. Тэрыторыю агарадзілі, каб ім не замінаць, абвесьцілі запаведнікам, але ў гэтую пару іх ужо няма (у выраі), і можна захадзіць. Крапіва буяе, нягледзячы на позьнюю восень ...і больш нідзе ў Антарыё я крапівы ня бачыла, няма яе тут.