Антон Петров
Аляксандар Хацкевіч
Нарадзіўся 21 студзеня 1993 года ў Віцебску.

У 2016 годзе скончыў факультэт міжнародных адносін БДУ па спецыяльнасці «Міжнароднае права». Ужо падчас навучання пачаў займацца літаратурай — пісаў гісторыі ў факультэцкай газеце.

За аповед «Салдат» атрымаў узнагароду ад Саюза пісьменнікаў Беларусі. Любіць музыку і ўмее іграць на скрыпцы. У 2016-м пераехаў у ЗША, дзе пачалося нялегкае падарожжа імігранта, багатае новымі ўражаннямі і вопытам. Мае публікацыі ў літаратурным альманаху беларускіх пісьменьнікаў замежжа «Беларус». Працягвае пісаць гісторыі і п’есы.

У 2021 годзе выйшаў вострасюжэтны раман-хорар Аляксандра Хацкевіча «Замак на ўзгорку», у якім захапляльны сюжэт пераплецены з містыкай, а легенды старажытных часоў пранікаюць у сучаснасць. Твор напісаны на беларускай мове.